#rtvora #oranews
Policia e Vlorës ka zbardhur detaje të reja nga vdekja e 34-vjeçarit Kreshnik Dashaj, i cili u gjet pa jetë mëngjesin e sotëm në lagjen "Kushtrimi".
Pas ekspertizës së plotë mjeko-ligjore, në trupin e viktimës është gjetur plagë e shkaktuar me armë zjarri.
Plaga u konstatua në pjesën e pasme të shpatullës.
"Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri,"-informon policia.
Fillimisht policia njoftoi se në trupin e të riut nuk kishte shenja dhune dhe se vdekja mund të ishte shkaktuar nga një arrest kardiak.
Ai u gjet i vdekur pranë banesës së tij. 34 vjeçari punonte në një firmë këpucësh në qytetin e Vlorës dhe nga ana e policisë nuk njihet si person me precedent penal.
Banorët thanë për gazetarin e Ora News, Edi Ruçi se ai punonte shpesh turni i tretë në firmën e këpucëve. Ndërsa mbrëmë ishte kthyer rreth orës 00:00 në banesë nga puna.
Viktima ishte baba i një vajze 7-vjeçare.
Ndërkohë është ngritur një grup i posaçëm hetimor për zbardhjen e plotë të ngjarjes dhe vendosjen para përgjegjësisë penale të autorit/ve.
Për më shumë lexoni në: https://oranews.tv/article/u-gjet-i-vdekur-prane-baneses-34-vjecari-ne-vlore-u-vra-me-arme-zjarri
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
