Kryeministri Zoran Zaev i shmanget kërkesës së kreut të Lëvizjes Besa, Bilall Kasami për ndryshime në Ligjin për dokumentet personale në përputhje më marrëveshjen për vendosjen e grafës etnike në letërnjoftime. Zaev nuk tregoi se për cilat arsye në propozim nuk është futur kërkesa e Lëvizjes Besa e cila kushtëzoi ndryshimet kushtetuese me vendosjen e grafës së përfaqësisë etnike. I pari i Qeverisë tha shkurt se ligjet mund të ndryshohen në kohë të caktuar dhe se për këtë nuk duhet ekzistuar dilema.
