Dy nga shtatë të liruarit pas kryerjes së dënimit për pjesëmarrje në luftën e ISIS-it në Siri janë duke u përballur sërish me organet e drejtësisë.
Sipas Shërbimit Korrektues të Kosovës njëri prej tyre është kthyer në paraburgim si i dyshuar për ?shtytje në kryerjen e veprave terroriste? dhe i njëjti me vendim të gjykatës ndodhet në arrest shtëpiak që pritet t?i përfundoj brenda muajit nëntor.
Top Channel mëson se personi në fjalë është Fitim Lladrovci nga Drenasi i cili në vitin 2015 u dënua me pesë vjet burg nga Gjykata Themelore në Prishtinë, e po në të njëjtin vit, Gjykata e Apelit ia uli dënimin me tre vjet e gjysmë. Burime të Top Channel brenda prokurorisë tregojnë se hetimet mbi rastin e Lladrovcit kanë përfunduar dhe brenda pak javësh pritet t?i ngritet edhe aktakuza. Ndërsa një personi tjetër tashmë i është ngritur aktakuzë dhe është në procedurë për shpalljen e vendimit gjyqësor. Lidhur me këtë Shërbimi Korrektues i cili ka pasur obligim rehabilitimin e tyre thotë se janë të bindur se kanë ndikuar që të dënuarit të rehabilitohen.
Shërbimi korrektues i Kosovës i ka trajtuar këta persona përmes punës sistematike dhe programeve me qëllim që bindjet e tyre të ndryshojnë. SHKK është e bindur se ka ndikuar përmes programeve që të dënuarit të rehabilitohen dhe të jenë pjesë e vlefshme e shoqërisë. Qëllimi jonë parësor mbetet që përmes programeve të ndryshme rehabilituese të burgosurit e kësaj kategorie të largohen nga ekstremizmi i dhunshëm dhe nga këto ideologji. Lidhur me rrezikun për shoqërinë mbetet të vlerësohet nga institucionet e tjera të sigurisë.
Nga Qendra Kosovare për Rehabilitimit e të Mbijetuarve të Dhunës, Alban Muriqi thotë se rehabilitimi i tyre brenda Shërbimi Korrektues nuk po arrihet mjaftueshëm pasi ata janë vendosur në një objekt të veçantë pa kontakt me të burgosurit e tjerë. Nga këta 7 të liruar, katër ishin të dënuar me nga tre vjet burgim, dy me nga një vit e gjashtë muaj dhe një i dënuar me një vit burgim.
Derisa edhe shtatë të tjerë janë ende duke vuajtur dënimin për pjesëmarrjen në luftën e të ashtuquajturit shtet islamik.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
