#rtvora #oranews
Një 43-vjeçari është qëlluar për vdekje me armë zjarri në Sume të Dukagjinit.
Viktima është identifikuar si Gjergji Krygja. Nuk dihen ende motivet apo autori i vrasjes.
Ngjarja ndodhi rreth orës 11:40 të paradites së sotme (6 nëntor).
Gazetari i Ora News, Bepin Kolvataj raporton se babai i tre fëmijëve është vrarë afër banesës së tij. Kanë qenë familjarët e tij që kanë lajmëruar policinë.
"Rreth orës 11:40, në fshatin Sumë, Njësia Administrative Pult, Shkodër, në rrethana ende të paqarta është qëlluar me armë zjarri shtetasi Gj. K. 43 vjeç, i cili ka ndërruar jetë,"-njofton policia.
Nga raportimet paraprake 43-vjeçari nuk rezulton person me precedentë penalë apo të jetë përfshirë në konflikt me shtetas të tjerë.
Në drejtim të vendngjarjes janë nisur shërbimet e policisë dhe grupi hetimor për sqarimin e rrethanave të kësaj ngjarje.
Zona e thellë malore e Sumes ndodhet rreth 5-6 orë larg nga qyteti i Shkodrës.
Vrasja e dytë në Dukagjin brenda 1 muaji
Kjo është vrasja e dytë në Dukagjin në më pak se një muaj. Më 21 tetor u qëllua për vdekje në fshatin Shosh të Dukagjinit 55-vjeçari, Lazër Arraj.
Ai u qëllua për vdekje, teksa ka qenë duke transportuar me kuaj disa produkte ushqimore nga arat e fshatit drejt rrugës kryesore të makinave.
Autori i dyshuar i vrasjes së 55 vjeçarit është kushëriri i tij Marash Arraj.
Gjykata e Shkodrës ka dhënë masën "arrest me burg me afat 40 ditë" për 26-vjeçarin.
Për më shumë lexoni në: https://oranews.tv/article/qellohet-vdekje-nje-person-ne-dukagjin
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
