പൂച്ചകളാണ് എലികളുടെ വര്ഗ ശത്രുക്കൾ. എവിടെയെങ്കിലും എലിയുടെ ശല്യം അധികമായാല് അവിടങ്ങളില് പൂച്ചയെ വളര്ത്തുന്ന പതിവു പോലുമുണ്ട്. എന്നാല് മലേഷ്യയിലെ എണ്ണപ്പന തോട്ടങ്ങളിൽ കാണപ്പെടുന്ന പിഗ് ടെയില്ഡ് മകാക്വേ ഇനത്തില് പെട്ട കുരങ്ങന്മാര് ഈ പരമ്പരാഗത സങ്കല്പം തിരുത്തിക്കുറിക്കുകയാണ്. കാരണം മലേഷ്യയിലെ എണ്ണപ്പനതോട്ടങ്ങളില് എലികളെ വേട്ടയാടിപ്പിടിച്ചു കൊന്നു തിന്നുന്നത് പൂച്ചകളല്ല മറിച്ച് ഈ കുരങ്ങന്മാരാണ്.