#rtvora #oranews
Kryeministri Edi Rama dha një mesazh lidhur me vendimin e Bashkimit Europian më 18 tetor, për çeljen e negociatave.
Ai deklaroi se Gjermania e cila udhëheq vendet e 'Po-së' ka zgjedhur një rrugë të ndryshme nga shumica e vendeve anëtare.
"Ajo ka vendosur disa kushte të cilat janë të arsyeshme për ne dhe jo të paarsyeshme për të afruar Francën dhe ato dy a tyri vende nuk kanë dalë ende në një pozicion përfundimtar dhe siç është e mundur që të mos lëvizin nga pozicioni i tyre nuk është e krejt pamundur që të mos pranojnë një vendim kompromisi. Presidenti i Francës ka dalë me një reformim të thellë të unionit, Emanuel Macron nuk është i gatshëm të shtyjë më fortë negociatat e Ballkanit Perëndimor, pa shtyrë më parë reformimin e unionit. Kjo qasje e Francës është konceptualisht e shpërputhur nga qasja konsensuale që kryeson prirjen e "Po-së", por kjo nuk është kundër Shqipërisë dhe Maqedonisë së Veriut në vetvete apo Ballkanit Perëndimor në përgjithësi", u shpreh Rama.
Ai shtoi se megjithatë fjala e fundit nuk është thënë ende dhe përpjekjet intensive të këtyre ditëve deri në mbledhjen e fundit të unionit, synon një rezultat mes bisedimeve mes Gjermanisë dhe Francës.
Kreu i qeverisë shtoi se vendimet merren me konsensus mjafton që një vend të thotë 'Jo' për të rrëzuar gjithë 'Po-të'.
"Përtej tërë spekulimeve në Shqipëri, vendimmarrja e 18 tetorit nuk ka asnjë lidhje me arë që kemi bërë ne për të merituar po-në. Kjo s'ka lidhje me Shqipërinë apo Maqedoninë, situata do ishte po njësoj për vendet e tjera. Situata ka të bëjë me atë që anëtarët e unionit duan të bëjnë mes vete", deklaroi Rama.
Ai nënvizoi se Shqipëria ka arritur të bëjë më shumë se detyrat e shtëpisë, sepse me forcën e diplomacisë dhe falë marrëdhënieve të forta me Berlinin zyrtar është arritur të kapërcehet pengesa e fortë që u vendos në Berlinin zyrtar, "Bundestagu i tha po Shqipërisë dhe Gjermania është avokati ynë i fortë".
Kryeministri tha në mbyllje se, "Për pak ditë do të mësojmë përfundimin e këtij kapitulli të vështirë të përpjekjes sonë për tu bërë pjesë e BE, por cilido qoftë ai përfundim të nesërmen e mbledhjes së Këshillit të Europës, dielli do të lindë përsëri dhe dita do të jetë vazhdimi i natyrshëm i kësaj përpjekje historike për shtetbërjne europiane, drejt Europës që e duam për fëmijët tanë, jo për Berlinin, jo për Brukselin, jo për ne, por për Shqipërinë, shqiptarët dhe gjeneratat e tjera".
Për më shumë lexoni në:
https://www.oranews.tv/article/rama-vendimmarja-e-18-tetorit-nuk-ka-te-beje-me-cfare-kemi-bere-gjermania-avokati-yne-i-forte
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
Follow Ora N...
