Nga kapiteneria e Ohrit paralajmërojnë se në nëntor do të fillojë riparimi i portit të qytetit, por edhe te Shën Naumi. Me vite janë në gjendje të rëndë, por edhe në të kaluarën ka pasur premtime se do të riparohen. Por, edhe aktivitetet e paralajmëruara, nëse realizohen, nuk do ta zgjidhin problemin me parkimin, sidomos për shkak të numrit të shtuar të objekteve lundruese në liqen.
