#rtvora #oranews
Policia ka arrestuar tre banorët e Unazës së Re, pas ndryshimeve të Kodit Penal pasi bllokuan rrugën në protestën e organizuar pasditen e djeshme, e cila vijon prej një viti. Familjarët e tyre u ngritën në protestë, ndërsa nuk munguan incidentet para Drejtorisë së Policisë së Tiranës.
Ndryshimet e reja në kodin penal, ku për bllokim të akseve rrugore dënohesh deri në 3 vite burg, duket se do të nisin të implementohen mbi banorët e Unazës së Re.
Ilir Katiraj, Gramoz Shehu dhe Skënder Doda, si çdo pasdite në 12 muajt e fundit dolën në protestë duke bllokuar qarkullimin për 60 minuta, por sot në mëngjes ata u përballen me prangat e policisë, ndërsa do të jetë gjykata që do të vlerësoi masën për ta.
Avokati: Kanë kryer arrestim në flagrancë në mënyrë të paligjshme. Vazhdojnë të njëjtat akuza.
Ky moment ka sjellë tensionimin e banorëve të Unazës së Re, të cilët protestuan para Drejtorisë së Përgjithshme të Policisë së Tiranës, ku nuk kanë munguar dhe konfrontimet.
Në mbështetje të banorëve kishte edhe ish-deputetë të Partisë Demokratike dhe Lëvizjes Socialiste për Integrim.
Balliu: Unë nuk di të them se çfarë do të ndodhë, por di të them që gjithçka ndodh. Është faji i tij se erdhi ai ti provokojë. Kanë 12 muaj banorët e Unazës së Re që kërkojnë dialog me qeverinë. Të ulen, ta zgjidhin këtë problem, të flasin dhe vazhdojnë punën.
Braimllari: Edi Rama dhe Damian Gjiknuri sot duhet të ishin para drejtësisë sepse janë ata që kanë zhvilluar aferën më të madhe korruptive te Unaza e Re.
Pas rreth dy orësh protestë, banorët e Unazës së Re u larguan, duke theksuar se pasdite ata do të ngrihen sërish në protestë duke bllokuar rrugën.
Për më shumë lexoni në: https://www.oranews.tv/article/shoqerohen-ne-polici-dy-banore-te-unazes-se-re
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
Follow Ora News on Google+ HERE http://bit.ly/2TdjAJz
