Nuk ka mundur t'ia dalë. Një betejë e vështirë me sëmundjen e rëndë, të cilën Elona Kuburja, 15-vjeçarja nga Fushë-Kruja, e humbi sot në Turqi. E reja ndërroi jetë këtë mëngjes në një spital publik në Turqi, ku po merrte kurim dhe do t'i nënshtrohej një operacioni të vështirë, për sëmundjen e rrallë që e kishte prekur që në lindje: që në gjuhën mjekësore njihet si hemangioma kongenitale me evolim drejt sindromës kasabach mërittë. Shpresat për ta mbajtur në jetë ishin të pakta, por pas apelit të pindërve të saj qeveria shqiptare mori përsipër shpenzimet për trajtimin mjekësor të Elonës në Turqi, pasi duhej një skuadër mjekësh specialistë.
Me sëmundjen e rrallë të Elonës, janë raportuar vetëm 250 raste në botë.
Report Tv dhe Shqiptarja.com që ndoqën hap pas hapi historine Elonës nga Fushë-Kruja duke përcjellë apelin për ndihmë financiare, deri në marrjen përsipër të shpenzimeve nga qeveria shëiptare, shpreh ngushëllime familjes për humbjen e vajzës së tyre. U prehsh në paqe Elona!
