Gjatë deklaratës për mediat, zv. kryeministri Erion Braçe foli edhe për akuzat ndaj ish-kryebashkiakut Vangjush Dako. Braçe tha se çdo akuzë ndaj tij dhe kujtdo tjetër në PS duhet të hetohet siç e parashikon ligji.
"Çdo akuzë e ngritur ndaj Dakos dhe kujtdo tjetër në PS, duhet të hetohet dhe të gjykohet siç e parashikon ligji. Ne s'kemi ndërmend të hyjmë në këtë proces. Secili do të përballet me organet e ligjit individualisht siç e parashikon ligji", tha Braçe.
