Ndryshe nga se thotë Ilir Meta se do ta mbyllë të plotë mandatin e tij presidencial, në një bashkëbisedim me banorët e Njësisë 2, Kryeministri shprehet i sigurtë se mazhoranca do t?i shkojë deri në fund nismës për shkarkimin e kreut të shtetit.
Dhe sigurinë se Ilir Meta do ta lërë atë zyrë, nuk e mbështet vetëm tek numrat në Parlament.
?Shoh dy rrugë që bashkohen dhe një ?i? që është përmbys?.
Rama pranon vështirësitë që do të ketë procesi zgjedhor i të dielës së 30 Qershorit, por thotë se i rëndësishëm veç pjesëmarrjes do të jetë arritja e standardeve.
?Gjëja më e rëndësishme për ne është që procesi të jetë sa më korrekt. Mungesa e kundërshtarëve e bën të komplikuar fushatën sepse një pjesë thonë s?ka kundërshtarë, s?ja vlen, do ikim në plazh. Një pjesë tjetër thonë s?jam duke shkuar se vota ime është e fshehtë, kështu duket sikur? Por ajo që është e rëndësishme është që pjesa e atyre që administrojnë procesin të jetë shumë korrekt. Duhet vëmendje e madhe që të jetë procesi korrekt. Pastaj s?kemi çfarë t?ju bëjmë atyre. Është një vetëvrasje politike spektakolare?.
Tv Klan
