પાલનપુરઃ પાલનપુરના પોલીસ હેડ ક્વાર્ટર્સમાં આવેલા એક ક્વાર્ટરમાં બુધવારે મોડી સાંજે પરિવાર બહારગામ ગયેલો હતો અને મકાનના રસોડામાં શોર્ટ સર્કિટના કારણે અચાનક આગ ભભૂકી ઉઠી હતીજેને લઇ સમગ્ર બ્લોકમાં અફરાતફરી મચી હતી પાલિકાના ફાયર ફાઇટરે પાણીનો મારો ચલાવી કાબૂ મેળવ્યો હતો પાલનપુરના પોલીસ પરેડ ગ્રાઉન્ડ નજીક આવેલા હેડ ક્વાર્ટર્સના બી બ્લોકના 17 નંબરના ક્વાર્ટર્સમાં બુધવારે મોડી સાંજે પરિવાર બહાર ગયેલો હતો જેને લઇ ક્વાર્ટર બંધ હતું અને તે સમયે અચાનક રસોડામાંથી ધુમાડાના ગોટે ગોટા નીકળતાં સમગ્ર બ્લોકમાં અફરાતફરી મચી ગઈ હતીઆગના ગોટેગોટા જોઈ બ્લોકના લોકોએ બુમાબુમ કરતા ગણતરીની મિનિટોમાં જ બ્લોકના લોકો સહી સલામત નીચે ઉતરી ગયા હતા
