Në protestën e sotme të opozitës merr pjesë edhe ish-deputetja demokrate Jorida Tabaku e cila është në pritje të një fëmije. Tabaku deklaroi se ndonëse shtatzënë nuk mund ta humbiste atmosferën e sotme të protestës pasi është e bindur se nuk do ketë dhunë nga ana e protestuesve.
"Sot ka dalë e gjithë Shqipëria. Atmosfera është e jashtëzakonshme. Është një mundësi që ndodh njëherë në jetë dhe nuk mund ta humbja. Jam e bindur që PD nuk ka përgatitur asnjë skenar dhune dhe unë nuk ndihem e rrezikuar të jem këtu", u shpreh Tabaku për Report TV.
