Janë regjistruar në Komisionin Qëndror të Zgjedhjeve kandidatët e partisë Bindja Demokratike për zgjedhjet lokale të 30 Qershorit.
Mbledhja e sotme u shoqërua me diskutime pasi i pranishëm ishte edhe sekretari i PD për zgjedhjet Ivi Kaso i cili ankimoi regjistrimin e Bindjes Demokratike si subjekt zgjedhor duke thënë se subjekti duhet të jetë krijuar të paktën 6 muaj përpara procesit zgjedhor.
Kaso tha se partia duhet të zotërojë mandat në të kundërt duhet të mbledhë firmat e nevojshme pasi një subjekt që garon në zgjedhje duhet të dëshmojë mbështetjen në radhët e zgjedhësve.
