Në dy javët e ardhshme, zyrtarisht do të lëshohet në përdorim autostrada Miladinovc ? Shtip. Drejtori i Ndërmarrjes Publike për Rrugë Shtetërore, Zoran Kitanov, thotë se pengesa e vetme për të punuar është vetëm shiu. Sa më pak të bie shi aq më shpejt do të vendoset gardhi në këtë autostradë. Kitanov siguron se që më 19 dhjetor, ka marrë njoftim nga realizuesi Sinohydro se autostrada është gati, por pastaj inspektorët e shtetit e kanë vërejtur se gardhi përgjatë autostradës nuk është përfunduar. Edhe rreth dhjetë kilometra nga seksioni nuk kanë gardh.
