Nga Kukësi dhe Kurbini, kryetari i Partisë Demokratike është treguar i prerë, duke përjashtuar çdo mundësi dialogu më mazhorancën. Sipas Bashës nuk do të ketë zgjedhje në vend, derisa të garantohen dhe pranohen kushtet dhe standardet e kërkuara nga opozita.
?Asgjë nuk do të përparojë, asnjë dialog nuk do të nisë pa larguar shkaktarin dhe arkitektin e narko-shtetit. Dhe mesazhi që kumbon kudo është ky: Nuk do të ketë më demokraci false, nuk do të pranojmë më parlament fals, nuk do të pranojmë më drejtësi fals, nuk do të pranojmë më ekonomi fals. Është koha për Shqipërinë e demokracisë së vërtetë, lirisë së vërtetë, Shqipërinë e vlerave të vërteta evropiane Por miqtë e mi, zgjedhjet nuk do të mbahen nesër. Dhe zgjedhje në Shqipëri nuk do të ketë pa garantuar kushtet dhe standardet që kurrë më krimi dhe kriminelët, hajdutët dhe oligarkët, të mos diktojnë një tjetër fals-parlament dhe një tjetër false-qeveri?.
Kreu i demokratëve u kërkoi qytetarëve që të bashkohen në protestën e 13 Prillit.
?Ne kemi një program që do ta nxjerrë Shqipërinë nga kriza ekonomike, dhe ne e dimë se ky program është programi fitues në zgjedhje, prandaj sfida jonë është që ta bëjmë realitet një orë e më parë. Duhet të krijojmë kushtet për zgjedhje të lira e të ndershme, kushte të cilat nuk mundet dot të krijohen pa larguar Edi Ramën, pa larguar kupolën e tij, të kapur duke vjedhur zgjedhjet e 2017-s, në bashkëpunim me krimin e organizuar?.
Basha tha se vendi ka nevojë për ndryshim dhe drejtësi të vërtetë për të çuar vendin drejt integrimit Europian.
Tv Klan
