Pedonalja e Urës-Vajgurore e ka humbur totalisht ndriçimin e saj pasi ka rënë preh e hajdutëve që kanë vjedhur jo vetëm llambat elektrike, por edhe kabllot e ndriçimit. Rreth 80% e sistemit të ndriçimit është vjedhur duke bërë që të mungojnë poçat ndriçues dhe vendin e tyre e kanë zëvendësuar bidonët plastik.
Banorët pranojnë se kjo gjë nuk është normale, por e lidhin me kushtet e vështira ekonomike të qytetarëve që shpesh vjedhin dhe dëmtojnë pronën publike për të siguruar pak të ardhura nga shitja e materialeve.
Pedonalja e Urës-Vajgurore u konsiderua si investimi më i rëndësishëm i Bashkisë. Investimi përfshiu punimet në infrastrukturë, krijimin e hapësirave të gjelbërta dhe ndriçimin në qendër të qytetit.
