#tvora
Rikthehen shpërthimet me tritol në shtyllat e tensionit të lartë në Fushë Krujë. Një sasi eksplozivi ka shpërthyer në një shtyllë tensioni në zonën e njohur si fabrika e çimentos ku kalon linja e transmetimit të tensionit të lartë. Për pasojë njëra nga këmbët është dëmtuar, por pa cënuar qëndrueshmërinë e saj.
Banorët e zonës jashtë kamerës thonë se kanë dëgjuar një shpërthim disa ditë më parë, por dëmtimi është evidentuar vetëm këtë të hënë.
Specialistët kanë nisur ndërhyrjen për riparimin e dëmtimeve, ndërsa policia po e heton ngjarjen që sipas kodit penal njihet si akt terrorist. Madje në një reagim për mediat ministria e Brendshme ka bërë të ditur se është ngritur tashmë një grup pune që po e trajton çështjen pikërisht si akt terrorist. Autorët në këtë rast rrezikojnë deri në 15 vite dënim.
Një shpërthim i ngjashëm në muajin Janar, rrezikoi të lërë pa energji gjysmën e Shqipërisë pasi u dëmtua një shtyllë e tensionit të lartë Tiranë2- Podgoricë.
Ngjarja nuk ka kaluar pa komente politike. Ministrja e Shtetit për Marrëdhëniet me Parlamentin, Elisa Spiropali, tha se dihet se kush iu bie shtyllave nga tërbimi i dëshpërimit, e njëjta dorë sipas saj e sherreve dhe rrëmujave.
Ndërsa Taulant Balla përmes një postimi në Facebook, tha se aktet e dhunës janë të komanduara nga Basha dhe Berisha, sikurse rikthimi tek tritoli ndaj shtyllave të tensionit të lartë.
Nga ana e saj Partia Demokratike shprehu neveri ndaj deklaratave të socialistë. PD dënon shpifjet sipas saj djallëzore që rrisin konfliktin në vend.
Për më shumë lexoni në: http://oranews.tv/article/fushe-kruje-tritol-shtylles-se-tensionit-te-larte
Follow TV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
Follow Ora News on Google+ HERE http://bit.ly/2TdjAJz
