Interpol Tirana ka ekstraduar nga Greqia një shtetas shqiptar i cili akuzohet për veprat penale penale "mbajtja pa leje dhe prodhimi i armëve dhe i municionit", "largimi i të burgosurit nga vendi i qëndrimit" dhe "vjedhja me dhunë". I ekstraduari është 37-vjecari, Gëzim Toma.
Toma ishte arrestuar nga policia shqiptare në vitin 2013 për shkak se akuzohej për vrasjen e një 25-vjecari në Krastë të Martaneshit. Pas arrestimit ai u arratis nga burgu i Drenovës në 23 nëntor të vitit 2013 pasi kërcënoi me armë gardianët e burgut. Ndërkohë që u arrestua sërish në datë 29 nëntor po të vitit 2013 në Greqi, me qëllim ekstradimin drejt vendit tonë.
Toma akuzohet për vrasjen e Fatos Daxhës të ndodhur në Krastë në vitin 2013. Vrasja ndodhi si pasojë e një konflikti të nisur për vjedhje të druve të zjarrit, gjë për të cilën autori akuzonte viktimën.
