#oranews #klp #klgj
Djegia e mandateve të deputetëve të opozitës për kreun e Komisionit të Ligjeve, Ulsi Manja, është tentativë për të bllokuar reformën në drejtësi, por që nuk do të ndodhë. Ndërkohë Kuvendi miratoi shtesën e personelit për Këshillin e Lartë të Prokurorisë dhe atij Gjyqësor me votat e maxhorancës.
Komisioni i Ligjeve miratoi me votat e maxhorancës strukturën e punonjësve të Këshillit të Lartë Gjyqësor dhe Këshillit të Lartë të Prokurorisë.
Kështu në organin më të lartë qeverisës të akuzës numri i punonjësve do të jetë 65, megjithëse vetë KLP kishte kërkuar 75 vetë.
Kreu i KLP-së, Gent Ibrahimi, tha se kjo shtesë duhet për shkak se me krijimin e SPAK dhe Byrosë së Hetimit rritet dhe volumi i punës.
Gent Ibrahimi: Nevojat tona janë tani. Siç e dini ju Këshilli i Lartë i Prokurorisë është tani në procesin e kryerjes së dy detyrave më të rëndësishme, që i kryen tani në këto muaj përpara se të alokohet buxheti dhe strukturat. Jemi të detyruar nga ligji që ende pa u financuar dhe pa u mbështetur administrativisht dhe financiarisht të japim produkt sa i takon Prokurorisë së Posaçme, të japim produkt sa i takon Prokurorit të Përgjithshëm.
Po ashtu edhe për Këshillin e Lartë Gjyqësor numri i personelit shkoi në 125 nga 144 që kishin kërkuar vetë krerët e këtij institucioni.
Në fund të seancës, kreu i Komisionit të Ligjeve, Ulsi Manja, u shpreh se reforma në drejtësi do të vazhdojë dhe se askush nuk e pengon, pavarësisht djegies së mandateve të opozitës.
Ulsi Manja: Me mandate të djegura apo me mandate të plota, një gjë është e qartë: Kuvendit të Shqipërisë i takon vetëm të japë suportin e duhur financiar për funksionimin e këtyre organeve por nuk ka asgjë që e pengon reformnën në drejtësi dhe ngritjen e institucioneve të reja të drejtësisë.
Për më shumë lexoni në:
http://www.oranews.tv/article/ligjet-miratojne-shtesat-klp-do-te-kete-65-punonjes-dhe-klgj-do-te-kete-125
Follow Ora News
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
Follow Ora News on Google+ HERE http://bit.ly/2TdjAJz
