Grupi parlamentar i Partisë Demokratike ka rënë dakord për djegien e mandateve të deputetëve dhe për këtë ka mandatuar kryetarin e partisë, Lulzim Basha që të mbledhë Këshillin Kombëtar për marrjen e vendimit përfundimtar. Kryeministri i Shqipërisë këtë vendim të PD-së e ka quajtur blof. Kjo situatë e krijuar në Shqipëri është e ngjashme me atë të vitit 2014 në Maqedoni kur 33 deputetë të LSDM-së i kthyen në Kuvend mandatet e tyre dhe pas një kohe të shkurtër vendi shkoi në zgjedhje të parakohshme.
