Ky është momenti kur forcat e policisë kanë hedhur gaz lotësjellës përpara godinës së Kryeministrisë për të larguar protestuesit.
Pamjet me dron të shpërndara nga Partia Demokratike tregojnë momentin kur turma tërhiqet për t'i shpëtuar gazit lotësjellës së hedhur në bulevard.
Deri tani janë 15 persona të lënduar në total. Këto janë shifrat zyrtare që ka dhënë Ministria e Shëndetësisë. Mes të lënduarve janë policë, gazetarë dhe protestues. Asnjë prej tyre nuk është në gjendje rreziku, por janë të stabilizuar.
