Banorët demokratë të Shkodrës janë mbledhur këtë të shtunë në sheshin "Nënë Tereza" për të protestuar ndaj situatës aktuale në vend, konkretisht ndaj varfërisë, papunësisë e taksave të larta.Midis tyre, krahas drejtuesve lokalë, është hasur edhe prania e përfaqësuesve të zonave të prekur nga përmbytjet dhe të atyre të sindikatave. "Kjo qeveri e ka harruar Shkodrën", janë shprehur disa prej protestuesve. Nën të njëjtën linjë, banorët demokratë kanë brohoritur njëzëri për rrëzimin e qeverisë Rama. Shkodra pritet të jetë një nga qarqet me numrin më të madh të protestuesve që pritet të jenë të pranishëm në tubimin opozitar në Tiranë, më 16 shkurt.
