'యురి' సినిమా చూసి థియేటర్‌లోనే నినాదాలు చేసిన కేంద్ర మంత్రి నిర్మల సీతారామన్!!

ఇండియన్ ఆర్మీ సర్జికల్ స్ట్రైక్స్ నేపథ్యంలో తెరకెక్కిన 'యురి ది సర్జికల్ స్ట్రైక్' చిత్రం బాక్సాఫీస్ వద్ద దూసుకుపోతోంది. 200 కోట్లకు పైగా వసూళ్లతో సంచలనం సృష్టిస్తోంది. యురి చిత్రానికి సినీ రాజకీయ ప్రముఖుల నుంచి ప్రశంసలు దక్కుతున్నాయి. బాలీవుడ్ యువ నటుడు విక్కీ కౌశల్ ఆర్మీ మేజర్ విహాన్ గా ప్రధాన పాత్రలో నటించాడు. యామి గౌతమ్, మోహిత్ రైనా, పరేష్ రావల్ కీలక పాత్రల్లో నటించారు. తాజాగా భారత రక్షణ శాఖా మంత్రి నిర్మల సీతారామన్ ఈ చిత్రాన్ని చూసి భావోద్వేగానికి గురయ్యారు. ఆ వీడియోలు సోషల్ మీడియాలో వైరల్ అవుతున్నాయి.