Subscribe në Ora News këtu http://bit.ly/1s5j7UT
#oranews
Qeveria shqiptare ka miratuar buxhetin me të cilin do të mbulohen pagat dhe shpenzimet e komisioneve që do të realizojnë vettingun në policinë e shtetit.
Ky proces parashikohej të fillonte në muajin janar, por zbatimi u shty për shkak të problemeve buxhetore të cilat tashmë duket se kanë marrë rrugën e zgjidhjes.
Vendimi i qeverisë me numër 14, i miratuar në datë 16 janar 2019 është publikuar në Fletoren Zyrtare duke përcaktuar një fond prej 42 milionë lekësh për mbulimin e shpenzimeve financiare.
Burime nga ministria e Brendshme thanë për Ora News se pas këtij vendimi të qeverisë, procesi i vettingut do të nisë në fillim të muajit shkurt. Ky proces përfshin kontrollin e pasurisë, pastërtinë e figurës dhe vlerësimin profesional.
Për më shumë lexoni në: http://www.oranews.tv/article/vetingun-ne-polici-nis-ne-shkurt
