తమిళనాడులో రజనీకాంత్ సినిమా విడుదలవుతుందంటే పరిస్థితి ఎలా ఉంటుందో ప్రత్యేకంగా చెప్పక్కర్లేదు. తమ అభిమాన హీరో విడుదల రోజును ఫ్యాన్స్ పండగలా సెలబ్రేట్ చేసుకుంటారు. వివిధ రూపాల్లో తమ అభిమానం ప్రదర్శించుకునే ప్రయత్నం చేస్తారు. తాజాగా 'పేట' రిలీజ్ సందర్భంగా ఓ ఫ్యాన్ ఏకంగా తన వివాహాన్నే థియేటర్లో జరుపుకోవడం చర్చనీయాంశం అయింది. చెన్నైలోని ఉడ్‌లాండ్ థియేటర్లో ఈ సంఘటన చోటు చేసుకుంది. ఈ విషయం తెలిసి అంతా ఆశ్చర్యపోతున్నారు.
