Reshjet e dendura të dëborës që kanë përfshirë qarkun e Shkodrës kanë sjellë edhe mbylljen e shkollave në Dukagjin dhe në Vaun e Dejës. Gazetari i Report Tv në Shkodër, Ergys Kavaja, raporton se në qytetin e Shkodrës shkollat kanë qenë të hapura në mëngjes por frekuentimi ka qenë i ulët. Ndërkohë që në Vaun e Dejës janë mbyllur përkohësisht 5 shkolla. Në të gjitha segmentet po kalohet pa probleme dhe po vijon puna që prej orëve të para të mëngjesit për të siguruar qarkullimin e mjeteve. Ndërkohë që në qarkun e Dibrës janë 6 borëpastruese që po punojnë bashkë me 4 makina që po hedhin kripë në aksin Qafë Bualli deri në Peshkopi.
