Reshjet e dendura të borës që ditëve të fundit kapluan vendin tonë kanë bllokuar banorët e fshatit Cërni Vërv që graviton në territorin e Komunë së Studeniçanit. Banorët përmes telefonit njoftuan për Alsat se ndonëse kanë kërkuar ndihmë nga Komuna së cilës i takojnë, deri në këto momente nuk është ndërmarr asnjë veprim dhe se thirrja e tyre për ndihmë ka hasur në vesh të shurdhër të autoriteteve. Nga Komuna arsyetohen me mungesën e mjeteve.
