Një grup emigrantësh të drejtuar dhe organizuar nga Genc Sejko, që njihet edhe si ?njeriu i memeve? në rrjetet sociale prej orës 12:00 deri rreth orës 14:00 protestuan përpara Kryeministrisë në ditën e dytë kundër qeverisë.
Protestës iu bashkuan edhe banorët e Unazës së Re dhe disa studentë. Protestuesit u bënë thirrje shqiptarëve që të ngrihen për të rrëzuar qeverinë, e cila sipas tyre është e korruptuar.
Në protestë nuk u shënua asnjë incident, ndërsa kujtojmë që policia nuk dha leje duke paralajmëruar se organizatorët dhe protestuesit do të procedohen. Protesta e thirrur nga Sejko do të vijojë edhe nesër po sërish para Kryeministrisë.
