Subscribe në Ora News këtu http://bit.ly/1s5j7UT
Saimir Taullau, i njohur si armiku i bandës së Aldo Bares në Lushnje është plagosur në një atentat me armë zjarri.
Ngjarja ndodhi pasditen e kësaj të shtune (24 nëntor) në Lushnje, në vendin e quajtur "Rotondo e Plygut".
Policia thotë "është qëlluar me armë zjarri në drejtim të lokalit të shtetasit Saimir Taullau , 47 vjeç, i cili për pasojë ka mbetur i plagosur lehtë".
47-vjeçari ka marrë një plumb në trup dhe është dërguar në spitalin e Lushnjes, ku mjekët kanë bërë ndërhyrjet e nevojshme dhe i plagosuri është jashtë rrezikut për jetën.
Autorët dyshohet se u larguan me motor
Ndërsa grupi hetimor ndodhet në vendngjarje dhe po punon për zbardhjen e plotë të saj si edhe identifikimin e autorëve, të cilët dyshohet se u larguan me motor në drejtim të Elbasanit.
Në hyrje daljet e qytetit janë ngritur pika të shumta kontrolli me qëllim kapjen e autorëve të dyshuar.
Drejt Lushnjes mësohet se janë nisur edhe forca speciale nga Tirana që janë vënë në kërkim të autorëve.
Për më shumë lexoni në: http://www.oranews.tv/article/lushnje-nje-person-plagoset-me-arme-zjarri
