Subscribe në Ora News këtu http://bit.ly/1s5j7UT
Pas problematikave të shfaqura kryesisht gjatë mbrëmjes së të dielës, të gjitha akset nacionale të vendit janë të hapura dhe qarkullohen normalisht. Pas 20 orëve bllokim, lëvizja normale për mjetet e tonazhit të rëndë. Problematika ndërkohë ka vetëm në rrugën e Dardhës ku dëbora arrin deri mbi 80 cm.
Pas rreth 20 orësh bllokim, lëvizja në pikën kufitare të Kapshticës në Korcë iu rikthye normalitetit.
Autobusët e pasagjerëve dhe mjetet e tonazhit të rëndë nisën të qarkullojnë mes dy vendeve, pasi më herët, pala greke kishte ndaluar lëvizjen si pasojë e reshjeve të dendura të dëborës.
Qarkullimi u pezullua pasditen e së dielës, por në atë kohë disa kishin mbërritur në doganë, ndërsa të tjerë nuk e morën në kohë informacionin.
Në këtë situatë, ata u detyruan ta kalojnë natën në kufi.
Ndërsa kompanitë e udhëtimeve ishin treguar më të kujdesshëm. Autobuset me pasagjerë mbërritën vetëm pas mëngjesit dhe shmangën radhët.
Për të përballuar fluksin, pala shqiptare hapi 8 sportele, ndërsa ajo greke tre të tillë.
ARRSH njoftoi se të gjitha rrugët nacionale në vend janë të kalueshme pa proleme, por paralajmëruan për kujdes në qarkullim në mëngjes dhe orët e mbrëmjes
Ndërkohë Akset që të çojnë në pikat turistike të Dardhës dhe Voskopojës, janë të kalueshme vetëm me zinxhirë, pasi trashësia e borës në këto zona arriti deri në 1 metër.
Në të gjithë qarkun mësohet se procesi mësimor vijoi normalisht
Përmirësim i situatës raportohet edhe në zonat malore të qarkut të Elbasanit, nga ku nuk raportohet për zona të bllokuara.
Për pasojë të stuhive, pati problematika me energjinë elektrike në disa zona, për të cilat OSHEE thotë se po punon për ti riparuar.
Për më shumë lexoni në:
http://oranews.tv/article/rruga-ne-greqi-ende-e-bllokuar-nga-bora-kamione-dhe-autobuse-presin-ne-kapshtice
