Edhe pse qeveria nuk ka miratuar vendimin për të vendosur nëse kompania e cila ka bërë propozimin për të zgjeruar rrugën Tiranë ? Durrës dhe ndërtimin e asaj Kashar ? Rrogozhinë, ministri Damian Gjiknuri ishte prerë kur tha se buxheti nuk ka para për të bërë këto dy vepra e se duhet të ndihemi me fat që kompani të mëdha kanë shprehur interes për të ndërtuar këto vepra. Gjiknuri ishte i prerë edhe për çështjen e vendosjes së traut të pagesës në këto akse.
Por kreu i Infrastrukturës pranoi se zgjerimi i autostradës Tiranë ? Durrës nëse do të bëhej me paratë e buxhetit do të kushtonte afërsisht 200 milion euro, sa gjysma e shumës 390 milionë Euro që ka propozuar kompania në ofertën e pakërkuar. Por ai sqaroi se do të ketë 2 rrugë alternative, ndërsa Kashar ? Rrogozhinë do të jetë një autostradë e shpejtësisë së lartë, ku rruga do të përshkohet për 25 minuta dhe do të kursejë edhe karburant për automjetet.
Ndryshe nga herët e tjera, ministri foli me tone të paqarta për negociatat me firmën turke që kërkon të ndërtojë aeroportin e Vlorës.
Dy javë më parë gjatë një takimi me homologun gjerman, Damian Gjiknuri ftoi kompanitë gjermane për të investuar në fushën e aeroporteve në jug të vendit, pa specifikuar nëse bëhej fjalë për atë të Sarandës, apo për aeroportin e Vlorës.
