Dy projektligjet, ai i Akademisë së Shkencave edhe i kodit të Etikës prej 8 muajsh është dorëzuar në Ministrinë e Arsimit, dhe pritej që nga dita në ditë të votohej në qeveri. Megjithatë, kryeministri Edi Rama, i kërkoi grupit të punës, që të rishikohej edhe platforma e dorëzuar nga akademiku Artan Fuga. Në këtë mënyrë ata mund të vendosin për platformën më të mirë. Por, diskutimet që u bën sot në Librin Akademik të Akademisë së Shkencave mes akademikëve edhe Fugës, duket sikur diskutimet për reformën po rifillojnë nga e para.
Unë kam përshtypjen që ishte një mbledhje, që e kishte kërkuar grupi i punës i ngritur nga Ministria e Arsimit, dhe Akademia e Shkencave për reformën në akademi, një mbledhje e asamblesë për të diskutuar, pasi zoti kryeministër ka thënë, që asnjëra nga platformat nuk duhet injoruar. Pozicioni im është, që unë i qëndroj asaj, që platforma e grupit të punës, e ngritur nga Ministria dhe Akademia nuk sjell reformim, e kalbëzon edhe më rëndë ASH, është një riprodhim. Vjen si pasoj e faktit që nuk ka koncepte të reja, nuk gjen pozicionimin e akademisë e kërkimit shkencorë në Shqipëri, është një model që nuk funksionon edhe do ta degradojë edhe më keq.
