GJIROKASTËR- Në fshatin Bularat për të vizituar familjarët e grekut të vrarë ka mbërritur edhe përfaqësuesi i Avokatit të Popullit, Petrit Azemi.
Para mediave, Azemi tregoi që kishte takuar familjarët e të ndjerit duke sqaruar edhe vizitën e tij.
Qëllimi i ardhjes tonë këtu? Do të kryejmë një hetim të pavarur administrativ.
Petrit Azemi, përfaqësuesi i Avokatit të Popullit
I pyetur nga gazetarët grekë, nëse Koçifa mund të kapej dhe të mos vritej, ai u përgjigj se hetimet do ta zbardhin një pretendim të tillë.
Sa i takon ekspertizës nga pala greke ai u shpreh:
Jemi në dijeni të faktit se me kërkesë të familjarëve kemi kërkuar një ekspertizë mjeko-ligjore. Autopsia e tij është kryer tani është e drejta e tyre që të marrin të gjithë aktet që shohin të arsyeshme.
Petrit Azemi, përfaqësuesi i Avokatit të Popullit
