Të parët që kishin privilegjin për të udhëtuar me avionin e parë të ?Air Albania? ishin mbi 70 maturantë dhe studentë të ekselencës që mbërritën të shtunën në Stamboll. Fluturimi me linjën e re shqiptare ishte më se komod për të rinjtë shqiptarë që u përzgjodhën për të inauguruar themelimin e saj.
Vizita një ditore në kryeqendrën turke nisi me një takim me përfaqësues të kompanisë "Turkish Airline", ndërsa më pas të rinjtë shqiptarë vizituan zonën e vjetër të këtij qyteti dhe lundruan për disa orë mbi detin Marmara.
Pasi avioni me flamurin kombëtar preku sërish tokën shqiptare, maturantët dhe studentët e ekselencës dhanë përshtypjet e para për këtë udhëtim.
Udhëtimi Tiranë ?Stamboll ishte i pari për linjën ?Air Albania? që në të ardhmen pritet të zgjerojë aktivitetin e saj me fluturime në Europë por edhe në Shtetet e Bashkuara të Amerikës.
Tv Klan
