Subscribe në Ora News këtu http://bit.ly/1s5j7UT
Kryetari i Bashkisë së Tiranës, Erion Veliaj, e ka cilësuar letrën e Komisonit Europian për Teatrin e ri Kombëtar një lajm të shkëlqyer. Për përgjigjen reagoi edhe Partia Demokratike, e cila tha se u rrëzua marrëveshja e qeverisë me kompaninë Fusha.
Bashkia e Tiranës dhe Partia Demokratike e interpretuan në mënyra të ndryshme letrën e Komisionit Europian për Teatrin e ri Kombëtar.
Në tëitter, kryebashkiaku ErionVeliaj e cilësoi përgjigjen lajm të shkëlqyer ndërsa apeloi për bashkim dhe progres.
?Lajm i shkëlqyer Letra e KE për Teatrin e Ri! Kush kërkoi përgjigje nga BE, tani e ka dhe s?duhet ta pengojë progresin! Teksa ligji nuk shkel MSA, kemi shansin ta bëjmë dhe më të mirë akoma! Tani që pengesat ranë, le të bashkohemi dhe të ecim përpara! #TiranaNukNdalet?, shkruan Veliaj.
Por Partia Demokratike letrën e sheh si fitore të saj dhe qytetarëve që protestuan kundër Teatrit të ri.
Sipas deputetes, Jorida Tabaku, Komisioni Europian ka rrëzuar atë që ajo e quan ligji special Rama-Fusha.
Jorida Tabaku: Qeveria e mbajti të fshehur për 4 ditë letrën e Komisionit Europian me qëllim manipulimin e opinionit publik, por përgjigja e Brukselit është e qartë: Qeveria ka shkelur ligjin! Përgjigja e Komisionit Europian qartësisht i jep të drejtë opozitës për shqetësimet kryesore.
Për më shumë lexoni në: http://oranews.tv/article/veliaj-e-quan-lajm-te-shkelqyer-letren-e-ke
