Në fazën e tretë të raundit të parë studentët vijojnë rregjistrimin në degët e dala fitues. Deri me tani në fakultetin e Ekonomisë janë regjistruar 400 veta. Nga 1200 kuota që janë në total, duke lenë kështu 800 vende bosh për maturantët që duan të ndjekin studimet në këtë fakultet.
Dekani i fakultetit ekonomik, Dhori Kule në intervistën e dhënë për Report Tv thotë se procedura me faza 48 orëshe për regjistrimin e degëve, sjell panik te maturantët.
Duke qenë se procedurat janë në faza 48-orëshë, një procedurë problematike që në themel krijon panik, studentëvë u hiqet e drejta të regjistrohen pas 48 orëve, u fshihet emri nga lista. Heqja është e padrejtë dhe nuk ndodh e njëjta gjë me universitete jopublike, kurse këta të shtetit ikin. Ky është një problem i udhëzimit.
Dhori Kule, Dekani i Fakultetit Ekonomik
Dekani Kule këshillon maturantët që të mos nxitohen në rregjistrimin e degëve.
Unë dua ti siguroj studentëve se në degën e biznesit nëse janë 840 pikë, të rrinë pa merak se do t?u vijë radha, të presin.
Dhori Kule, Dekani i Fakultetit Ekonomik
Dekani Kule shtoi se fakulteti i Ekonomisë do të shtojë kuotat nëse studentet do të jenë më tepër në numër. Ndërkohë, studentët kanë vijuar rregjistrimet në degët fituese. Raundi i parë i fazave 48 orëshe përfundon më 12 shtator.
