Christian Panucci kërkon që kombëtarja ta nisë kompeticioni i Ligës së Kombeve si një skuadër e re, ndonëse ka thirrur për ndeshjet e radhës edhe veteranët Agolli e Basha. Italiani kërkon të lërë pas dy miqësoret me Kosovën dhe Ukrainën që për të ishin dërmuese.
Christian Panuçi, trajner i Kombëtares: Nuk dua të mendoj për ndeshjet e fundit se do shpërthej. Kishim shumë mungesa, por tani jam i qetë se kemi rikuperuar disa lojtarë të rëndësishëm.
Në konferencën për shtyp para ndeshjes me Izraelin ,Panuçi, pranoi se tani do të nisë sfida e vërtetë për ekipin që drejton.
Christian Panuçi, trajner i Kombëtares: ?Presionin e kemi për kualifikimin në Europian. Jam i qetë sepse kemi rikuperuar disa futbollistë. Gati 6 prej tyre të cilët kanë qenë vendimtare në ndeshjet me Italinë, Spanjën dhe Turqinë. U përpoqa të thërrisja grupin me ekspert të mundshëm. Duhet të bëjmë më të mirën ashtu si me Turqinë. Nëse tregojmë dëshirë do të jemi konkurrues".
Në listën e 25 lojtarëve të grumbulluar për herë të parë me fanellën kuqezi janë 3 mbrojtës Enea Mihaj nga Panetolikos i kampionatit Grek, Besir Demiri i Mariupol të Ukrainës dhe Egzon Binaku nga Malmo, por për ti dhënë gfrupit më shumë eksperiencë janë rikthyer edhe Jahmir Hyka, Migjen Basha, Ledian Memushaj dhe Eros Grezda.
