Subscribe në Ora News këtu http://bit.ly/1s5j7UT
Enian Hado ka zgjedhur të ulet në auditorin e Fakultetit të Historisë dhe Filologjisë.
Rezultatet e mira të maturës e ndihmuan të fitonte degën që dëshironte, atë të Historisë.
Ka në dispozicion 48 orë kohë të regjistrohet, por në Sekretarinë e Fakultetit është paraqitur herët në mëngjes.
Enian Hado: Është një program që e kam dashur që në fillim për shkaik të pasionit që më ka ndjekur vazhdimisht në lëndën e historisë.
Në Fakultetin e Historisë dhe Filologjisë fluksi ka qënë i përballueshëm dhe sistemi ka funksionuar normalisht.
Kryesekretarja,Voltisa Meçe, thotë se në ditët në vijim pritet një rritje e numrit te maturantëve që do të regjistrohen.
Voltisa Meçe: Nuk ka ngarkesë të papërballueshme, të gjitha punonjëset mësimore janë këtu për tu shërbyer dhe të gjithë janë të orientuar. Nuk mund të themi se ka ndonjë kaos apo paqartësi.Sistemi ecën normalisht dhe në ditët në vazhdim patjetër do të kemi një prurje më të madhe sa i përket zbritjes së listës.
Raundi i parë është i ndarë në 7 faza dhe pas çdo 48 orësh do të ketë zhvendosje të vijes së kuqe.
Mesa duket shumë prej maturantëve janë në pritje të degës së tyre të preferuar, gjë që është reflektuar edhe pranë Sekretarive mësimore të disa prej Fakulteteve ku nuk janë hasur rradhë.
Për më shumë lexoni në: http://oranews.tv/article/regjistrohen-fituesit-fakultetet-nuk-jane-perballur-me-rradhe-me-perjashtim-te-mjekesis
