Subscribe në Ora News këtu http://bit.ly/1s5j7UT
Ekstradimi i Nezar Seitit në Itali, është kryer në shkelje të e nenit 491 të Kodit të Procedurës Penale por në këtë procedurë nuk ka elementë të veprës penale të shpërdorimit të detyrës. Kështu thuhet ndër të tjera në vendimin e Gjykatës së Durrësit të datës 22 qershor 2018, që ka lënë në fuqi vendimin e prokurorisë për pushimin e hetimeve lidhur me këtë çështje.
Sipas vendimit, prokuroria e Durrësit gjatë hetimit të kryer ka konstatuar shkelje nga ana e institucioneve por jo të asaj natyre që përmbushin elementet e veprës. Ky konkluzion ka qenë shkak i kërkesës së bërë nga organi i akuzës para togave të zeza më 8 maj për të zyrtarizuar pushimin e hetimeve për mungesë të elementëve të veprës penale.
Sipas hetimit, shkeljet në rastin e ekstradimit të Nezar Seitit, janë kryer nga Policia Gjyqësore e Drejtorisë së Policisë Tiranë, Prokuroria e Tiranës, Gjykata e kryeqytetit, Drejtoria e Marrëdhënieve me Jashtë në Ministrinë e Drejtësisë, dhe nga Drejtoria e Marrëdhënieve Juridiksionale pranë Prokurorit të Përgjithshëm. Në vendim theksohet se shkeljet nuk përbëjnë vepër penale por që mund të përbëjnë elementë për procedim disiplinor, ndaj për këtë arsye, përfundimet e hetimit u janë dërguar institucioneve për marrjen e masave ndaj autorëve të shkeljeve.
Për më shumë lexoni në: http://oranews.tv/article/detaje-te-reja-nga-pushimi-i-hetimeve-ekstradimin-e-nezar-seitit
