Subscribe në Ora News këtu http://bit.ly/1s5j7UT
Rreth 80 familje të lagjes "Muçaj" në fshatin Peshtan-Bregas të Fierit dolën në protestë këtë të mërkurë me pretendimin se një bashkëfshatar u ka bllokuar një rrugë që ata thonë se e përdornin prej dekadash.
Banori: Kjo rrugë po bën 70 e ca vjet, këtu kam kaluar gjithë kohën.
Banori: Ua mbylla sot, ua mbylla nesër. Çfarë jemi ne, bagëti?
Banorët thonë se bllokimi rrugës që kalon përmes ullishtes i izolon ata nga pjesa tjetër e njësisë administrative Frakull ndaj kërkojnë që ajo të jetë e hapur për të gjithë.
Banori: Ai le ta bllokojë, po pati forcë ndaj shtetit le ta bllokojë. Ne duam rrugën të kalojmë lart tek shtëpia.
Banori: Do kalojmë në ajër? Nëse shteti na bën rrugë të kalojmë në ajër, faleminderit se do të shohim dhe botë me sy!
Banorët kërkojnë zgjidhjen e problemit, për të shmangur konfliktet që mund të shkaktohen me bashkëfshatarin.
Banorja: Hapni rrugën, se këtu do të vriten njerëzit.
Ndërkohë Isa Muça, pronari i ullishtes ku kalon rruga e kontestuar i kontaktuar me telefon thotë se ka vendime gjykate që i japin të drejtë.
Ai thotë se rruga është hapur nga bashkëfshatarët gjatë kohës kur ai ndodhej në Tiranë dhe ai ka ndjekur rrugën ligjore për të drejtën e pretenduar.
Edhe burime pranë Njësisë administrative Frakull në Fier konfirmuan se ai se për këtë çështje ka një vendim të Gjykatës së Apelit Fier që i ka dhënë të drejtë shtetasit Isa Muça për rrugën që ka futur në konflikt banorët e fshatit.
Për më shumë lexoni në:
http://oranews.tv/article/bashkefshatari-u-bllokon-rrugen-80-familje-ne-fier-kekrojne-zgjidhje-nga-shteti
