http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Fluksi i emigranteve ka shënuar rënie në shtatë muajt e parë të vitit 2018, krahasuar me vitet 2015-2016 kur Europa u përball me valën me të madhe te refugjateve që vinin nga vendet e lindjes me destinacion perëndimin.
?Frontex? njoftoi se numri i kalimeve të parregullta kufitare përmes 4 korridoreve kryesore në Bashkimin Europian ka rënë me 43 për qind, krahasuar me shifrat e një viti më pare.
Në total, në 7 muajt e këtij viti janë regjistruar 73.500 kalime ilegale të kufirit. Në muajin korrik, kalimet e paligjshëm ishin 18 për qind më të ulëta, krahasuar me të njëjtën periudhë të një viti më parë.
Megjithatë, ?Rruga Perëndimore Mesdhetare? është përdorur më së shumti nga emigrantët për të arritur në Spanjë, ku në total 23.100 refugjate nga Afrika, kanë përdorur këtë korridor për të hyrë ilegalisht në Spanjë, duke shënuar rritje dyfish ne raport me vitin e kaluar.
Spanja është kthyer në destinacionin kryesor të emigrantëve të paligjshëm duke lënë pas Italinë dhe Greqinë.
Lidhur me Ballkanin, Agjencia e kufijve te Bashkimit Europain shkruan se shifrat e lëvizjes e emigrantëve vazhdojnë të jenë te ulëta.
