Pas seancës dëgjimore të zhvilluar disa ditë më parë, Komisioni i Pavarur i Kualifikimit ka konfirmuar në detyrë gjyqtarin e Gjykatës Administrative të Apelit të Tiranës, Artur Malaj.
Në seancën dëgjimore të Malaj, spikati ndërhyrja e përfaqësuesit të ONM-së, i cili e pyeti disa herë për mënyrën sesi gjyqtari kishte firmosur një kontratë për shtëpi, kishte marrë një kredi edhe më pas nuk e kishte blerë kurrë. Replikat vijuan nga të dyja palët si rrallë herë.
Ashtu si në seancën dëgjimore, edhe në dhënien e vendimit, Malaj ka qënë vetë i pranishëm.
Sipas raportit të ILDKPI, Malaj ka bërë deklarim të saktë të pasurisë dhe nuk ka fshehur atë, raport të cilin e ka mbështetur edhe KPK pas hetimeve të thelluara. Por nga ana e DSIK, gjyqtari Artur Malaj ka rezultuar i papërshtatshëm për të qenë gjyqtar dhe për të vijuar detyrën e tij.
Tiranë- Pas konfirmimit në detyrë nga Komisioni i Pavarur i Kualifikimit, gjyqtari i Gjykatës Administrative të Apelit të Tiranës, Artur Malaj ka folur me gazetarët pas vendimin.
Para kamerave Malaj është shprehur se falënderon KPK-në për rikonfirmimin dhe se tani mund të vazhdojë i qetë garën për kreun e ILD-së.
