http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Renditet si një ndër pianistët më të mirë të jazz-it në botë. Fitues i çmimeve ndërkombëtare dhe debutues në qindra teatro të botës, Mike Del Ferro, perfrormon sot edhe në Tiranë. Artistët që e njohin e quajnë atë shpirtin e lirë të jazz-it. E pikërisht kjo liri e ka shtyrë ta dashurojë jazz-in që në moshën 9-vjeçare.
?Në shkollë u njoha, mësova dhe luaja muzikë klasike. Por, kur për herë të parë kam luajtur muzikë jazz, u dashurova me ndjesinë që të ofronte. Është një liri që nuk e gjen askund. Është puna që vendosa të bëj që kur isha nëntë vjeç. Të udhëtoja në botë dhe të shpërndaja këtë ndjesi, që ofron kjo lloj muzike.?
Muzika është gjuha e parë e Mike del Ferro. Është i biri i Alehandro del Ferro, një solisti të operas që ka performuar në krah të artistëve si Maria Callas, e si i tillë jo pak herë është gjendur mes klasikes e jazz-it.
?Muzika klasike për mua është si uji e si kafeja në mëngjes. Unë jetoj me të. Qetësohem me të, e mendoj dhe e rimarr kur kompozoj muzikë jazz. Babai im ka folur gjithnjë me gjuhën e klasikes dhe vitet e mia të para në piano ishin me të. Konkurset e para, çmimet e para i mora duke luajtur muzikë klasike, por skenat më identifikojnë sot me jazz-in. Unë arrij të krijoj vetëm jazz, sepse kjo është liria e Mike. Ushqehem me klasiken, por marr frymë lirisht me jazz-in.?
Në Tiranë mbërrin për të tretin vit dhe performon sot në mbrëmje në Festivalin Ndërkombëtar të Jazz-it.
?Në Tiranë, mbërrij për të tretin vit për të luajtur në piano, por kam ardhur edhe 10 vite më parë si turist. Që atëherë, rikthehem këtu sa herë më ftojnë. Është një vend që më josh, njerëzit, natyra e paprekur, është e kristaltë, si një i ri dhe e re plot ëndrra. Çdo vit ka gjithnjë e më shumë publik për festivalin ndërkombëtar të Jazz-it. Më pëlqen edhe si e përjetojnë shqiptarët këtë muzikë. E kuptoj që është një muzikë e re për publikun shqiptar, një muzikë që e dëgjojnë rrallë. Kjo më intrigon.?
Mike del Ferro do të luajë sot në mbrëmje së bashku me Kim Hoorëeg, një artiste të re holandeze.
