Subscribe në Ora News këtu http://bit.ly/1s5j7UT
Uji i pijshëm që furnizohen banorët e Otllakut në Berat është ndotur dhe për pasojë nuk mund të konsumohet. Banorët atje thonë se po përballen me një situatë të vështirë në këto ditë e nxehta, ndërsa autoritetet vendore nga ana e tyre thonë se ende nuk kanë gjetur shkakun e ndotjes.
Uji që rrjedh në çezmat e banorëve të njësisë administrative Otllak në Berat prej ditësh është i pakonsumueshëm.
Banorët atje thonë se uji i pijshëm është përzier me ujërat e zeza dhe nuk mund të përdoret as për të konsum e as për gatim.
"Ka tre ditë që uji na vjen i përzier me fekale".
"Nuk pihet ky".
"Është i papërdorshëm".
"Këtej është i papijshëm ndërsa paratë po i paguajmë nga tre herë".
"Çfarë analize ti bëj, analizën t'ia bëj ai që më merr lekët mua".
Problematika është e njohur edhe për autoritetet lokale, të cilët thonë se kanë marrë masa për pastrimin e rrjetit shpërndarës, por ende nuk e kanë gjetur shkakun e ndotjes së ujit.
"Ditën e djeshme grupi i punës që është ngritur posaçërisht nga Drejtoria ka marrë masa, ka bërë shkarkimin dhe pastrimin e tubit dhe pretenndohet të bëhet dhe riparimi i pjesës së dëmtuar. Me riparimin e këtij qytetarët do të furnizohen me ujë siç ka qenë vijueshmëria më përpara".
Janë rreth 800 banorë që prej ditësh nuk kanë ujë të pijshëm në banesat e tyre, në këto ditë të nxehta verë, ndërsa janë të detyryar që ta sigurojnë atë vetëm duke e blerë.
Për më shumë lexoni në:
http://oranews.tv/article/tre-dite-qe-vjen-i-perzier-me-fekale-banoret-e-otllakut-pa-uje-te-pijshem
