http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ministri i Jashtëm Grek Nikos Kotzias konfirmon se negociatat për marrëveshjen e detit me Shqipërinë vijojnë ende. Por shefi i diplomacisë ne vendin fqinj shpreh shqetësimin se opozitat ne te dyja vendet qe pengojnë procesin.
Nikos Kotzias: ?Duhet të ketë më shumë pjekuri në drejtim të zgjidhjeve për çështjet që kemi. Opozita, në të dy anët e kufirit, po përpiqet të punojë negativisht, duke riprodhuar stereotipa dhe paragjykime negative mes popujve. Besoj se populli ynë po mësohet dalëngadalë të mbështesë zgjidhjet dhe jo problemet. Ne duam miqësi ndërmjet popujve dhe një politikë bashkëjetese paqësore ndërmjet shoqërive tona. Personalisht gjithmonë mburrem me studentët e mi shqiptarë në Universitetin e Pireut që tashmë janë bërë pedagogë në vendin e tyre?.
Ministri i jashtëm grek ka vënë në dukje se problemet më Shqipërinë datojnë që prej 90 vjetësh, dhe shkaku sipas tij që këto probleme kanë mbetur të pazgjidhura është se u shfaqën pas përfundimit të luftës së ftohët dhe se qeveritë e mëparshme nuk treguan vullnetin e duhur.
I pyetur se cilat do të ishin përfitimet strategjike ekonomike dhe politike për Greqinë nga miqësia me fqinjët Kotzias shprehet:
?Zhvillimi social dhe ekonomik i vendit lehtësohet dhe rritet nga zhvillimi i rajonit. Përveç kësaj, së bashku me tre fqinjët tanë veriorë, ne kemi filluar të zhvillojmë një politikë bashkëpunimi dhe veprime të përbashkëta që shpresojmë të jenë baza për bashkëpunimin tonë të ardhshëm brenda BE-së. Pra, politika jonë është një strategji politike dhe ekonomike, shoqërore dhe kulturore e zhvillimit tonë dhe bazuar në parime te bashkëjetesës paqësore larg fanatizmit të të gjitha llojeve për të mirën e shteteve dhe popujve tanë?.
Megjithatë Kotzias nuk ka dhënë detaje se kur mund te mbyllet përfundimisht marrëveshja mes Athinës dhe Tiranës.
