د برطانیې پخوانی وزیراعظم، ټوني بلیر وایي چې له یورپین یونین څخه د برطانیې د وتلو پر سر دومره اختلافات ډیر دي چې په کار ده په دې اړه ریفرېنډم له سره وشي. د برطانیې د انتخاباتو کمیشن وایي د ٢٠١٦ کال په ریفرینډم کې د چارواکو هغې ډلې چې له یورپین یونین څخه د وتلو پلویان و، د انتخاباتو قوانین مات کړي دي. د انتخاباتو د کمیشین له دې دعوې وروسته، اوس د یورپین یونین پلویانو، د بریکزیټ ریفرېنډم مشروعیت هم تر پوښتنې لاندې راوستی دی.
