Edhe Prefekti Vlorës Flamur Mamaj konfirmoi në një lidhje telefonike për Report Tv se nuk rrezikohet asnjë banesë nga zjarri.
Unë jam nisur drejt Dhërmiut, sapo kontaktova me drejtuesit atje, është vendosur në kontroll zjarri nga dy zjarrfikëset dhe po punohet me të gjitha forcat e ndërhyrjes së shpejtë dhe policisë për ta mbajtur në kontroll. Nuk ka dëme në banesa dhe biznese private. Zjarri nuk është madh, por favorizohet nga era që mund ta shpërndajë. Parku Llogorasë nuk rrezikohet, pasi kemi një stacion të ngritur atje dhe po e mbajmë në gatishmëri nëse do të ketë rrezikshmëri. Plani i masave dhe i veprimit është që ta mbajmë në kontroll dhe reagimi shpejtë tregoi që plani është i mirëmenduar. Për momentin nuk ka asnjë banesë që rrezikohet nga zjarri.
Flamur Mamaj
