Krimi i dyfishtë trondit Shkodrën. Një ish-punonjës policie dhe bashkëshortja e tij janë ekzekutuar me armë zjarri mëngjesin e sotëm në qytetin e Shkodrës. Ata janë gjetur të vrarë në automjetin e tyre poshtë banesës në orët e para të kësaj të diele.
Një ngjarjë e rëndë ka ndodhur në lagjen "Naim Gjylbegu" e cila njihet si një lagje e qetë. Sipas informacioneve paraprake çifti është vrarë me armë zjarri, ndërsa zbulohet identiteti i burrit i cili është shtetasi Boran Bërcama, 30 vjeç, ish-punonjës i Policisë së Shtetit në Pukë dhe bashkëjetueses Silvi Ndoci. Në automjet ka qenë bashkë me çiftin edhe foshnja i tyre 12 muajsh, i cili fatmirësisht ka shpëtuar pa lëndime.
