Subscribe në Ora News këtu http://bit.ly/1s5j7UT
Pak ditë para mbërritjes në Tiranë, ku do të qëndrojë për të parë zbatimin e reformave të kërkuara nga BE, eurokomisioneri evropian u shfaq optimist në krah të kryeministrit Edi Rama në Bruksel. Për eurokomisionerin, ecuria pozitive e tyre është një qëllim i përbashkët i të gjitha forcave politike. Vetë Rama shprehu angazhimin e qeverisë për të punuar mbi zbatimin e prioriteteve pa humbur kohë.
Hahn: Komisioni Evropian do të vazhdojë të ndjekë zbatimin e reformave për hapjen e negociatave për vitin e ardhshëm. Do të bëhet gjithçka për të ecur përpara me hapat e parashikuar për negociatat. Ne do të jemi edhe në Tiranë. Do të flasim me qeverinë dhe opozitën. Do të arrijmë këtë qëllim për shoqërinë shqiptare. Është qëllim i përbashkët, që na përket të gjithëve.
Rama: Jemi të gatshëm të nisim përgatitjet për hapjen e negociatave dhe të përmbushim gjithçka na është kërkuar. Nuk do të humbasim asnjë moment, edhe pse na presin muaj të vështirë përpara.
Ndërsa interesit të medias për marrëveshjen me Greqinë, Jahnes Hahn e bëri të qartë se asnjë vend nuk do të anëtarësohet në BE nëse do ketë probleme me vendet fqinje.
Hahn Është e qartë se BE nuk do pranojë anëtarësimin e asnjë vendi që ka probleme me fqinjët. Më vjen keq që ka pasur keqkuptime sepse kjo ka pasur të bëjë me një sqarim për vijën kufitare, asgjë më shumë dhe asgjë më pak.
Ashtu si pak ditë më parë ministri i Jashtëm, edhe kryeministri Rama foli për tradhtarë që punojnë kundër kësaj marrëveshje dhe sipas tij, do të turpërohen kur të njihen me këtë pakt.
Rama: Edhe pse ka tradhtarë në Athinë dhe Tiranë, ne kemi bërë mjaft progres në këtë marrëveshje. Bisedimet janë të vështira. Ende nuk kemi arritur një produkt final. Jam 100% i sigurt se kur të finalizohet, tradhtarët do të turpërohen.
Për më shumë lexoni në: http://oranews.tv/article/hahn-mesazh-nga-brukseli-integrimi-kerkon-angazhimin-e-te-gjitheve
